Draumórar í íslenska skammdeginu...

blogg

2008-10-27T17:10:00.006Z

ég var farin að verða fyrir áreiti og hótunum sökum bloggleysis... ég er greinilega veiklunda og ákvað því að blogga smá...

hvað er búið að gerast síðan ég fór til Póllands?? Margt og mikið sem ég nenni ekki að segja frá.. það helsta er kannski að ég er byrjuð í nýjum skóla og er farin að ferðast til keflavíkur á hverjum degi til að læra að verða flugfreyja! Svo eignaðist ég bróður í lok ágúst. hann heitir Matteo og er frá ítalíu. afs skiptinemi ;)

þar sem kreppan er orðin svona slæm mun ég ekki fara út um jól/áramót/carnevale EN shuichi og Julie ætla að koma að heimsækja mig um áramótin í staðin!!! ;D;D;D;D

ég fór líka á airwaves... það var MASSA gaman eins og hugrún myndi eflaust orða það.... en sjitt! ég er sko alveg búin að finna hver minn helsti veikleiki gagnvart hinu kyninu er!! híhí

jæja.. frekar tilgangslaust blogg en ég bloggaði þó!

ást!

mynd: ég og uppáhalds íslenski terroristinn minn - Katrín - á Airwaves :)

Berlín - Poznan - Kraká - Varsjá!

2008-05-18T00:45:00.004Z

jæja litlu lömbin mín...

þá er ég loksins farin í kórferðina miklu! Eftir smá panikk í dag þá held ég að ég sé ekki laus við að hafa smá fiðring í maganum ;)

leiter!

edda flökkukind

Idol!

2008-05-14T01:35:00.002Z

Ekki American Idol þó!

ég á mér nýtt idol! Þetta Idol mitt er sko ekki einhver útdauður api sem ég hef verið að deita síðustu vikuna og stundað það að fá mér kaffibolla með og ræða um heimspekilega hluti!

Þetta ædol mitt er söngkona að nafni Kate Nash!
VÁ hvað ég elska stílinn hennar! Fötin og hárið! Ég mundi sko vilja fara að versla með henni! Myndböndin eru líka í sama stíl og ágætis dægrastytting! :)

Tónlistin er líka mjög skemmtileg og nú langar mig í disk þannig að ég mun fara að leita af henni í Berlín og Póllandi!
http://www.myspace.com/katenashmusic - mæli reyndar frekar með því að jútúba hana.. þar eru fleiri (skemmtilegri) lög.

Já.. mig langaði bara að deila þessari merkilegu uppgötvun minni með ykkur! Vonandi fær þetta betri hljómgrunn heldur en pólitíkin hér að neðan! ;)

kossar,
Edda Apaköttur :)

Pólitík

2008-05-08T19:58:00.002Z

Hey! ég er bara búin að vera dugleg að blogga ekki í þessum blessuðu prófum! ;) en ég ætla ekki að tala um þau, heldur um pólitík...

Við kvöldmatarborðið áðan vorum við fjölskyldan að hlusta á sjónvarpið, já hlusta - því við erum svo kúl á mínu heimili að vera EKKI með sjónvarp í eldhúsinu! ;)
enívei.. þá var borgarstjórinn að reyna að réttlæta ráðningu og laun Jakobs Frímans.
Þá fór ég að hugsa (jú, ég geri það víst stundum;) ) hversu oft svona lagað gerist - sérstaklega hér á Íslandi amk! Sem segir bara hversu óhæft þetta fólk er sem er að stjórna landinu okkar! *hóst* sjálfstæðisflokkurinn *hóst* ;)
Ég legg því til að fólk sem ætlar sér í pólitík þurfi að ganga í gegnum ákveðið ferli til að sjá hvort að það sé hæft eða ekki! Sálfræðipróf, ræðunámskeið, munurinn-á-réttu-og-röngu námskeið, mannasiða námskeið osfrv, og svo þyrfti þetta fólk helst að taka "inngang að stjórnmálafræði" í háskólanum! Svo þyrfti þetta fólk líka að tjékka á því hvaða hnit það fær í "political compass" til að það viti örugglega í hvaða stjórnmálaflokk það eigi að ganga!! Með þessu móti er hægt að búa til hæfara fólk. Ég meina lögreglumenn þurfa að fara í lögregluskóla og sumar starfsmenn á elliheimili þurfa að fara á námskeið til að læra hvað skal gera í vinnunni. Af hverju fer fólk ekki á námskeið í því hvernig stjórna skuli heilu landi?
Án efa kæmi í ljós að fáir eða jafnvel enginn mundi ná þessu prófi sem yrði haldið eftir að námskeiðunum lyki !

Mér finnst fólk alltof oft fara út í stjórnmál sökum valdasýki! Ég vil trúa á hina pólitísku rétthugsun og ég vil að þeir sem fara með stjórnvöldin í þessu landi fari eftir því sem þykir réttast og ekki bara þægilegast! En því miður er smekkur manna og dómgreind misjöfn.. ;(

Og ég heimta komment frá öllum sem lesa þennan póst! ;)

OG allir að segja hvaða hnit þeir fengu í Political Compass! ;);)

p.s. 5 dagar í að ég losni úr prísund hlöðunnar og bókanna – 7 dagar í næstu kóræfingu (ein komin með fráhvarfs einkenni) - 8 dagar í próflokadjamm!!!! – 10 dagar í Berlín & Pólland!!! Jahú! ;)

súrt

2008-04-30T17:58:00.004Z

prófin eru byrjuð.. þannig að nú má búast við virkum bloggurum! ;)
Mig langar til að deila með ykkur tveimur mómentum sem ég átti í dag.. Sem, ja.. voru pínu spes :)
--
Í dag sat ég á bekk í hljómskálagarðinum í nýstings kulda og las bók með iPodinn í eyrunum.

Skyndilega byrjaði svo kafli úr Messu úr C eftir Beethoven.

Þá var eins og stund og staður hefðu horfið sjónum mínum og ég sveif á einhvern stað fjarri öllum kulda og grámyglulegu vorinu sem var búið að taka sér bólfestu í hljómskálagarðinum.

Ég kunni hverja nótu og hvert orð og langaði helst til að byrja að syngja!

Tónarnir sendu mér smá von inn að hjartarótum og ég fann hvernig blóðið hitnaði og kastaðist um allar æðarnar og hvernig vonin færði þannig hita í kroppinn.

Það var líka eins og áhyggjur, hugsanir og tilfinningaflækjur mínar hefðu leitað skjóls á milli hrörlegra runnanna og athyglin ein beindist að tónlistinni og þeim stað sem hún færði mig á. Skyndilega varð heimurinn heldur ekki eins hræðilegur og hann hefur verið upp á síðkastið og þessi próf virtust vera fjarræn og tilgangslaus.

---

Seinna þennan sama dag sat ég á kaffihúsi og skrifaði ljóð.
Þetta hljómar kannski voða artí og töff/asnalegt (eftir því hvernig augum þú lítur á það) en var það í rauninni ekki.

Mér tókst að eyðileggja þetta móment algjörlega með því að panta mér kakó og í stað þess að sitja í þykkum reykmekki á litlu vinalegu kaffihúsi innan um aðra djúpt þenkjandi huga sat ég á hrannalegu nýstárlegu kaffihúsi í Hamraborginni – miðbæ Kópavogs, sem er örugglega ömurlegasti miðbærinn sem finnst á landinu!

En maður getur nú víst ekki ráðið því hvenær listagyðjan kíkir í heimsókn þannig að það var um að gera að nýta sér tækifærið þegar hún bankar upp á, sama í hvernig umhverfi maður er :)

---
Og nú ætla ég að setja diskinn með upptökunni af messunni í spilaran og hlusta :)

2008-04-21T19:40:00.006Z

eftir að hafa gert móðursýkislega leit að iPod snúrunni minni (í þriðja sinn á nokkrum mánuðum) í herberginu mínu ákvað ég að kíkja fram í tölvuherbergið og þar sat móðir mín og spurði ég hana hvort hún hefði séð hvíta snúru nokkra á flakki. Hún játaði því reyndar en að það hefi verið fyrir löngu. Ég ákvað samt að lyfta nokkrum blöðum sem láu þarna á skirfborðinu og var snúran þá bara ekki þarna! guði sé lof! Skil ekki alveg hvernig ég hef lifað strætó af allan þennan tíma!
Þrátt fyrir þennan gleðifund þá get ég ekki mikið hlustað á Orishas eða Eivöru því ég neyddist til að setja inn Agnus Dei eftir Penderecki, sem er 20. aldar tónverk sem háskólakórinn stefnir á að flytja þann 27 apríl í Neskirkju.. Þetta er 20. aldar pólskt kórverk sem ætti að segja ykkur tónlistarnördunum nokkuð. "Uppáhalds" hljómurinn minn er 20 raddaður. Þrátt fyrir þessi hræðilegheit þá hef ég lúmskt gaman af því og mæli eindregið með tónleikunum okkar! :)
Ásamt Penderecki þá fuku inn alt línurnar að Shakespeare lögum eftir R. Vaughan Williams. Annað verk er Áralög og Taflvísa, sem er eftir Ríkharð Ö. Pálsson og munum við einmitt frumflytja það. Áralög er mjög fallegt og skemmtilegt lag en ég gjörsamlega HATA Taflvísuna. Röddin mín er amk alveg sjúklega erfið og ég er yfirleitt mjög fljót að læra lög.. ;-/ og svo skulum við sleppa því að fara út í textan - átti þetta reyndar ekki að vera gömul klámvísa?

Þótt ég eigi erfitt með Áralögin þá tókst mér aftur á móti áðan að spila Tears in Heaven tvíhennt á píanóið og það í fyrstu tilraun! *stolt*
Svo fann ég í nótnakassanum mínum (sem ég þyrfti að fara að taka til í) bók með bítlalögum! Í henni eru bæði píanó undirleikur og svo gítarhljómar og svo fyrir rödd. Verst bara hversu hræðilega hátt þetta liggur allt saman!! :/ Eitt lagið fer meira að segja upp á háa c! Ég hugsa að ég gæti þó kannski á góðum degi alveg sungið þau sem fara "bara" upp á g (eða amk virkaði það nokkurn veginn áðan) en annars þarf ég að fara að rifja upp gamla snilligáfu í því að tónflytja! ;)

- Það sem maður gerir þegar maður á að vera að læra fyrir próf!!

stefnumóta þjónusta...?

2008-04-15T01:39:00.003Z

Ástkærir lesendur mínir virðast ekki vera mjög hrifnir af feminisma.. síðasta vika hjá mér einkennist af feminisma aftur á móti - allavega hvað skólabækurnar varðar, mér tókst sem sagt að lesa allar feminista greinarnar :)

En úr því að feminisminn vakti ekki upp miklar umræður þá ætla ég að reyna að finna skemmtilegra umræðu efni.. Hvað getur verið annað skemmtilegra og áhugaverðara en að tala um hitt kynið? (kaldhæðni?)
(naflaskoðun: er ég að blogga til að fá fólk til að kommenta? Hvaða rétt hef ég til að ætlast til þess að fólk hafi skoðanir á því sem ég hef að segja (þetta var smá útúr dúr - er líklega orðin djúpt sokkin í naflaskoðun mannfræðinnar á 9 og 10 áratugnum (prófstressið farið að segja til sín greinilega)))

Þrátt fyrir að hafa persónulega legið í feministagreinum og naflaskoðunum síðustu vikuna þá voru umræðuefnin við nokkrar vinkonur mínar ekki af sömu sort. Þeim var sem sagt mjög annt um að finna fyrir mig kærasta.Vinkonur mínar eru ekki þær einu sem eru að hjálpa mér við makaleit þessa því feisbúkk tekur líka þátt í því.

Það er hægt að setja ýmislegt dóterí í prófælinn sinn á feisbúkk. T.d. “compare your friends”. Þar geturu séð hvar þú stendur á meðal vina þinna, hvort þú sért talin hugrakkari en Nonni, hvort Siggi sé meira hott en Palli eða hvort Ella sé betri söngvari en Nanna. Það getur nú verið gaman af þessu. Ég til dæmis virðist búa yfir næst mestum skipulagshæfileikum (wtf?) af vinum mínum og vera einnig næst besti meðleigjandinn (þannig að það er vel þegið ef einhver vill bjóða mér að búa með sér – sérstaklega um helgar svo ég spari nú í taxa). Mig virðist samt skorta húmor (ha?), sköpunargáfu (HA?) og þyki heldur ekki sérlega kúl! (bíddu, HA?)
Önnur skemmtilegheit nátengt þessu er Sparkey… Þar færðu að svara því um alla vini vini þinna hvort þú hefur áhuga á að deita þá. Þú færð meira að segja að velja hvort þú lætur þá vita af því eða ekki! (Vá!)
Svo er líka hægt að pikka út ákveðna vini sína sem maður heldur að gæti verið gott par. Er þetta ekki gengið aðeins of langt spyr ég nú?
- ég efast sko um að næsti kærasti, hössl eða whatever verði fundinn í gegnum stefnumóta þjónustu feisbúkk, ábyggilega auðveldara að finna hann í miðbænum um helgar (miðað við fengna reynslu þar). Þótt að Gunna segi mér að Jón sé mér "comparable" þá er mér nú bara nákvæmlega saman...

Ég ætla nú ekki að tjá mig um dót eins og "hot or not" eða "are you interested" því nóg er orðið af vitleysunni...

Af hverju ekki bara að skrá sig á einkamál.is fyrst maður er að þessu á annað mál? Hrein og bein auglýsing þar á ferð amk...

Endum svo á fróðleiksmolum frá Sparkey, sem segir þér líka hvar þú stendur í desire-leika á heimsmælikvarða:

“Edda!
You are more desirable than 98.05% of people
Why would people like to date you?
"cute" 9 votes
Another 521 people are at your level
Your global desirability ranking is 15,133 out of 27,473,046.” – Facebook.

Þetta ætti nú kannski að gleðja mitt litla hjarta… þrátt fyrir að vera í 50. sæti meðal vina minna í sætleika þá virðist það vera aðal ástæðan fyrir því að netverjar vilji deita mig!

- en þrátt fyrir þetta röfl mitt þá elska ég feisbúkk, þótt að þeir séu búnir að selja stórfyrirtækjum aðgang að mínum persónulegu upplýsingum og noti þær sér til gróða og að eigendur feisbúkk virðast ætla að ná google-risunum hvað gróða varðar...

Jæja... þá ætla ég að reyna að fara að sofa í hausinn á mér og hætta að vera andvaka.. bókhlaðan, háskólatorg, rannsóknaraðferðir í mannfræði, inngangur að líffræðilegri mannfræði, bókhlaðan (?), jarðsetning, kóræfing og óperan á morgun – spennandi tímar framundan!

Buona notte amori miei,

La vostra eddina :)

bleikur til batnaðar

2008-03-31T22:02:00.002Z

Ég ákvað að bleiki liturinn fær að halda sér um sinn (þeas þar til ég finn ásættanlegt nýtt útlit eða gerist alvöru tölvunörd og bý eitt stykki til) til að heiðra feminisman!
En í tilefni þessa bleika bloggs þá ætla ég að skella inn gömlum feminískum pósti frá því 27. október árið 2005, en þá var svo kallað klukk og kitl að tröllríða blogg heiminum :)

Kitl - 5 staðreyndir um mig! (þann 27. okt. 2005)

ég get ekki labbað um á pinnahælum
ég vil ekki fara í fallhlífa eða teygjustökk
ég get ekki umgengist karlrembur
ég vil ekki verða heimavinnandi húsmóðir
ég vil ekki fá greidd lægri laun en karlar fyrir sömu vinnu....!!!

já.. svona var maður nú mikill hugsuður í menntaskóla :)
þessi póstur hlaut hinsvegar aðeins 4 komment á meðan klukk pósturinn sem birtist þar á undan hlaut 16 komment!

tilgangur eða tilgangsleysa?

2008-03-26T18:15:00.005Z

blogg er rosalega vinsælt fyrirbæri...

Með bloggum er hægt að fylgjast með því hvað fólk sem maður þekki (eða þekkir ekki) er að gera og þarf því ekki að koma af fjöllum þegar maður hittir það næst. Þetta getur líka verið voðalega þægilegt þegar vinir manns í útlöndum eru virkir bloggarar því þá veit maður hvað þeir eru að gera og þarf ekki t.d. að vera í stöðugum bréfaskriftum við þá. En samt fylgja þessu ákveðnir gallar. Ef þú veist allt um manneskjuna af blogginu þarftu ekkert að hitta hana til að vita hvað hún er að bralla sem gerir það að verkum að væntanlega munið þið fjarlægjast hvort annað. Persónulega hef ég allavega fundið fyrir þessu.. Ég hins vegar datt algjörlega út úr þessum bloggheimi þegar ég hætti að blogga sjálf (áður átti ég svona sérstakan blogg hring) og veit bara ekkert um sumt fólk sem ég kallaði vini mína þegar ég var í menntaskóla! En það gerir aftur á móti tilviljunarkennda hittinga skemmtilega en samt pínu vandræðalega - eins og í strætó eða á laugarveginum á djamminu.

Við lifum sannarlega á upplýsingaöld og það er alveg ótrúlegt hvað er hægt að finna mikið um einstaklinginn á netinu, en hvernig spilar svo virðing við einkalífið inn í þetta? Við úthellum sál okkar og öllum okkar skoðunum á bloggsíðum - hver er tilgangurinn í því? að koma með leiðinleg komment fyrir framan alla þannig að allt fer að loga í netheiminum og fá svo birt um sig frétt í 24 stundum eða fréttablaðinu? Er maður eitthvað meira kúl fyrir vikið?
mér finnst þetta pínu kjánalegt... En blogg eru kannski bara góð afþreyging - ég veit allavega að ég á að vera að læra núna en ekki að blogga...

annar punktur er að nú veit ég að bæði amma mín og systir hans pabba eru að lesa bloggið mitt (og guð má vita hverjir fleiri!). Setur það mér einhverjar skorður um það hvað ég megi blogga um? Þetta setur mig í ákveðna klípu. Augljóslega er ég ekki í sama hlutverki þegar ég er með vinum mínum og þegar ég er í fjölskylduboði. Til að gera þetta nú pínu fræðilegt... Ég get augljóslega ekki talað við ömmu mína um til dæmis hvað ég var ógeðslega full um síðustu helgi og talið upp alla þá skandala mína sem fylgdu því. Ég get heldur ekki leikið þessa feimnu, víðsýnu og vel uppöldnu stelpu sem ég hef verið stimpluð sem hjá fjölskyldunni þegar ég er með vinkonum mínum. Fólki vill oftast gefa sem besta ímynd af sér og kemur því til skila í samskiptum við annað fólk. Þegar það eru svona mismunandi hópar sem lesa bloggið mitt hvernig á ég þá að haga mér?

En hver er svo tilgangurinn með því að skrifa ef enginn má lesa?
- af hverju að skapa ef það er bara fyrir sjálfan sig?

ég veit ekki alveg hvort þið fattið pointið mitt þar sem það er kannski soldið út og suður EN... í alvöru, er þessi blogg síða ekki of bleik?!

2008-03-23T21:03:00.000Z

er það bara ég, eða er þetta blogg ekki allt of bleikt??

páskahugleiðingar...

2008-03-21T16:39:00.006Z

í dag kúrði ég undir sænginni í rúminu mínu og hugsaði um daginn í dag - föstudaginn langa. Ég rifjaði upp hvernig það var að vera í sveitinni hjá ömmu og afa um páskana. Við frændsystkinin máttum ekki gera neitt - að okkur fannst amk á þessum degi. Við máttum ekki spila og áttum bara að vera stillt og prúð (sem var mjög erfitt fyrir mig og frænda minn því við þurftum alltaf að vera að slást við hvort annað líkt og hundur og köttur). Ég hugsa að þetta sé nú hræðilegra í minningunni en þetta var í alvörunni.
Annað sem ég hugsaði svo um var messan sem ég söng í í gær. Ég er ekki mjög kristin og fer bara í messur þegar ég þarf þess, en mér finnst alltaf eitthvað þægilegt við það að syngja í messum. Ég hef verið í kór síðan ég var 6 ára þannig að syngja í messum er bara orðinn hluti þess að vera í kór (þó að ég sé núna í háskólakórnum sem fær styrk úr háskólasjóð sem saman stendur af skattpeningi þeirra sem eru utan þjóðkirkjunnar og annarra trúfélaga (eða eitthvað svoleiðis)..). Messan í gær var mjög ljúf. Mikið um táknrænar athafnir tengdar þessum tíma - t.d. þegar messunni var lokið lagði presturinn fimm rósir á altarið og sagði að þær mundu svo fölna og deyja fram á páskadag - líkt og Jesú.

En það var ekki aðalmálið.. þar sem ég lá þarna undir sænginni og hugsaði mis gáfulega og heimspekilega hluti þá kom ég auga á fataskápinn minn - og vitiði hvað?? Hið ómögulega tókst - ég tók til í honum! Það hefur verið að flæða út úr honum síðan ég kom heim frá öllu mínu flakki í sumar og þó henti ég fullt af dóti þegar ég flutti um vorið hér upp á heimsenda... og ég fann peysuna sem ég var í á útskriftinni úr MH sem bjargar alveg árshátíðinni ;)

mamma ákvað að í ár yrði eitt páskaegg keypt handa okkur þremur á heimilinu. ég spái því að pabbi minn muni borða það allt og ég fái kannski karamellu og svo helminginn af botninum ;)

tónlistarhátíðir...

2008-03-13T22:39:00.003Z

undanfarna daga hefur sú löngun gripið um mig að fara á tónlistarhátíð...
ég er mikið að spá í að fara á aldrei fór ég suður og mig langar líka á hróaskeldu! Ætli ég sé loksins komin með "góðan" tónlistarsmekk eða er það tilfinningin og upplifunin sem maður fær beint í æð sem mig langar að finna fyrir? eða bara að vaða drullupolla með ókunnugum?

edda - opin fyrir nýrri tónlist :)

sléttubönd og forsjöundarhljómar

2008-03-09T23:44:00.003Z

Í vinnunni í vikunni heyrði ég í útvarpinu að stelpa í ákveðnu múslima landi hafi verið skorin á háls af fjölskyldunni sinni fyrir það að ástarlag var tileinkað henni í útvarpinu.

Mér hefur aldrei verið tileinkað lag í útvarpinu. Ein vinkona mín aftur á móti hefur bæði fengið samið lag og ljóð um sig og það af sitt hvorum stráknum. Ljóðið var meira að segja það fyrsta sem annar strákurinn samdi! Kannski er ég svona gamaldags og halló en ég vildi að ég hefði þennan hæfileika hennar til að fá samin ljóð um mig :)

---

Ég held ég sé búin að finna lausnina á því að fá komment - láta líða sem lengst á milli pósta! ;)

EN fyrir þá sem vilja vita eitthvað um mitt daglega líf ... B)

Ég fór til DK um mánaðarmótin og missti þal af þemapartý kórsins og árshátíð HOMO (nemendafélag mannfræðinema). Ég veit ekki með árshátíðina en þemapartýið var víst skrautlegt og innihélt bleikt og blátt.. En aftur á móti var laugardagskvöldi þessarar helgar eytt með gellum góðum og dansað frá sér allt vit og árshátíðin næstu helgi verður vonandi enn skemmtilegri!

En aftur að byrjun.. Í DK fór ég í 1 árs afmælið hans Olivers (sonur bróður míns) og heimsótti Karinu og Sigrúnu ásamt því að versla helling og sofa endalaust. Fór á djammið í Álaborg og var kölluð kjúklingur af amk þremur. Álaborg er sem sagt ekki komin það langt í tískuvitund sinni að vita að gulu sokkabuxurnar mínar séu málið! Köben var samt æði og er ég viss um að sokkabuxunum hefði verið tekið með opnum örmum þar...

Hugsa að ég láti þetta nægja.. blogg geta verið svo sjálfhverf

Oh, scusa, pensavo che stavo parlando danese!

2008-02-21T00:17:00.004Z

Síðan ég lærði ítölsku hef ég oft átt í vandræðum með að segja hvað klukkan er á réttri íslensku, síðast bara í dag. Þegar klukkan er t.d. hálf átta segi ég oft að hún sé hálf sjö, sem sagt sjö og hálfur verða að hálf sjö hjá mér. Mér finnst þetta oft mjög kjánalegt af mér. Eftir að ég lærði ítölsku hef ég líka átt í vandræðum með að tala dönsku! Einhvern vegin hef ég glatað talhæfninni og þegar ég reyni að tala dönsku byrja ég að babbla á reiprennandi ítölsku! Mamma mín aftur á móti sem talar mjög góða dönsku slettir dönskunni í enskuna.

Þegar ég fer til Ítalíu hugsa ég oftast á ítölsku og er mér það mjög minnisstætt eitt skiptið þegar ég talaði við hana Önnu Guðrúnu í síman að ég gat ekki munað ákveðið orð á íslensku og við erum að tala um að ég fletti ítalska orðinu upp til að geta sagt það á íslensku! Áður en ég náði tökum á ítölskunni fóru flest öll samskipti mín fram á ensku og ég hugsaði því á ensku en það breyttist svo smá saman yfir á ítölsku.. Þegar ég kom heim aftur eftir árs dvöl átti ég svo erfitt með að skipta yfir á íslensku. Aumingja Anna Guðrún sem fór með mér í Smáralindina daginn eftir að ég kom heim skildi ekkert það sem ég var alltaf að segja og bað mig því sérstaklega að kenni henni að segja "Ég tala ekki ítölsku" (non parlo italiano). Annað sem ég lenti í þegar ég kom heim var að tala með hreim! Ég var með hreim í amk 3 mánuði eftir að ég kom heim sem var líka mjög kjánalegt, en kannski afsakanlegt þar sem ég hafði ekki hitt Íslending í 10 mánuði!

Í sumar fór ég svo í spænsku skóla og náði spænskunni nokkurn veginn á 5 vikum, sem er samt pís off keik ef maður kann ítölsku! Þá tókst mér líka að hugsa nokkurn veginn á spænsku, eða itañol eins og kennarinn minn kallaði það. Þegar ég hitti svo danska konu á flugvellinum í köben á leiðinni heim frá Spáni gekk mér svo erfilega að tala við hana sökum þess að ég fór ósjálfrátt að hugsa á itañol við það að vera ekki að tala íslensku en samt að reyna að hugsa á íslensku til þess að geta hugsað upp setningar á dönsku! Náðirðu þessu?

Hvað gerir það þá eiginlega að verkum að eftir að hafa lært eitt tungumál dettur annað eiginlega út? Eða er það þarna einhversstaðar og sprettur fram um leið og þú ert kominn í rétta umhverfið??

En málið er þá, mun ég geta talað dönsku næstu helgi?

viltu vera auminginn minn?

2008-02-17T17:27:00.004Z

Mig er búið að langa að blogga lengi en hef ekki haft neitt eitthvað nógu merkilegt að segja.. Margt mjög og mis merkilegt er nú reyndar búið að gerast en... ég efast um að það sé hægt að setja hérna inn þar sem aðeins brotabrot af fólkinu mundi líklega fatta og vera inn í þeim málum.. ;) EN ég ætla að reyna að finna eitthvað til að segja til að fólk haldi ekki að endurvakning bloggsins hafa farið út um þúfur...

Um daginn heyrði ég nýtt lýsingarorð yfir sjálfa mig. Það kom frá mágkonu mömmu. Hún sagði að dóttir sín (15 ára) væri eins og ég, svona aumingja-góð! Mér fannst þetta nú bara nokkuð heppilegt lýsingarorð yfir mig! Ég meina, ég vinn á elliheimili, er sjálfboðaliði hjá Rauða Krossinum (og AFS), er að læra mannfræði og stefni á að vinna við eitthvað tengt mannréttindindum! Er ég með aumingja-blæti? Þegar ég var í grunnskóla reyndi ég líka að vera vinkona stelpunar sem var lögð í einelti af bekknum okkar.. Djöfull var ég hugrökk ;) haha...

Ég var annars að vinna um helgina. Ég fékk pínu hrós frá einum vini mínum þar. Stuttu eftir að hafa sagt honum að ég væri að læra mannfræði í háskólanum sagði hann við mig að ég stæði mig mjög vel í hjúkrun og ætti eftir að ná langt í hjúkrunarnáminu! Ég varð að glotta aðeins, sérstaklega þar sem prófessor í hjúkrunarfræði hafði verið að reyna að lokka mig í hjúkrun nokkrum tímum áður á háskóladeginum. Þetta var bara næstum jafn krúttlegt og bónorðið sem ég fékk síðustu helgi ;)

2008-02-14T23:06:00.004Z

Stefnumót við ástina

2008-02-07T13:50:00.000Z

ég átti mér stefnumót við æðislegu hælaskóna mína í gær, tók þá í leikhús, þrátt fyrir að hafa hrunið niður stigan fyrir framan húsið mitt um morguninn og meitt mig í hægri ökklanum sökum þess að ég hélt mig vera að missa af strætó. Ég var að missa af strætó til að vera skrifari, skrifari fyrir Vöku sem ég ekki einu sinni styð! Ég var látin skrifa með X-D penna sem ég var mjög ósátt við, en þetta var samt ágætt, ekki jafn slæmt og maður bjóst við. Fyndið samt hvað vökufólkið sagði sérstaklega "HÆ" við mig ef það átti leið hjá.

Ökklinn er enn sár og ég finn ekki sjúkrakassan á heimilinu, spurning hvar hann hefur lennt í flutningunum í sumar. En ég er ástfangin á hælaskónum mínum sem ég fór út með. Þetta var sko ást við fyrstu sýn. Þeir sem þekkja mig hvað best vita vel að ég er svona ballerínu-skó-týpan. Því flatbotnaðari því betra. En þessir skór eru bara svo þægilegir! ég gat gengið á þeim í snjónum úti sem þýðir að allar götur eru okkur greiðfærar!

Fyrir utan sáran ökkla þá er ég með sáran háls. Gæti verið að ég hafi fengið einhverja hægri-veiki í gær. Of mikil nærvera við hægrileikan fer allavega ekki vel í mig. Þegar ég kom heim um 13 var ég með beinverki og illt í maganum og akkurat 37° hita. sofnaði svo fyrir framan sjónvarpið eftir að hafa horft á Casanova, í minningu um Heath Ledger ;( eftir tvo tíma drattaðist ég þá á fætur, mældi mig aftur og var þá komin með 37,6. En amma mín hún Edda var búin að bjóða mér í leikhús þannig að ég skellti í mig verkjalyfum og klíndi framan í mig einhverri málingu og málaði varirnar rauðar. Við nöfnurnar fórum svo á forsýningu á leikritinu Baðstofan eftir Hugleik Dagsson. Það var mjög gott leikrit, enda hún Brynhildur að leika í því, en mér finnst hún frábær! nokkuð var um morð og nauðganir en það fylgir bara ;)

ég geri mér grein fyrir að þessi póstur var frekar stelpu/gelgjulegur en það verður bara að hafa það :P

Annars ætla ég að vera sveitó í skálholti um helgina og vera í ullarpeysu!

Tilraun #2

2008-02-03T17:48:00.000Z

Já, ég ætla að prófa að endurvekja þetta blogg.. Kannski að ef ég byrja að blogga sjálf mun ég álpast til að lesa blogg annarra *skömmustulegt-roðn*

En ég hugsa að eitthvað þurfi að skoða linka listan, ef það er einhver sem er búin að breyta um blogg eða vill vera með má kommenta ;)
(svona til þess að tryggja mér einhver komment;)

Annars segi ég þetta gott í bili..

edda mía litla

bloggedíblogg

2007-12-14T18:13:00.000Z

jæja, hvað segiði þá?

hin fullkomna tengdadóttir ég..

2007-04-20T19:23:00.000Z

blogg á myspace.com/eddaosk

menning

2007-02-01T22:10:00.000Z

í dag framdi ég menningarglæp og borðaði spaghetti með tómatsósu!

2007-01-21T21:37:00.000Z

2006-12-30T17:19:00.000Z

hey já.. ég gleymdi..

ég er orðin stúdent! lauk mála- og félagsfræðibraut frá MH núna um jólin á 3 og hálfu ári *glott*

annars er þetta blogg eila bara dautt.. spurning um að halda áfram eður ei?

sjokk!

2006-11-30T17:58:00.000Z

hið ómögulega hefur gerst..

ég fékk 10 frá birni bergs (félagsfræðikennara) fyrir verkefni, og það tvær og báðar í sama tímanum!!

ég hélt það mundi líða yfir mig...

arance volante....fljúgandi appelsínur

2006-11-22T17:22:00.000Z

ég held ég ætli að skella mér til ítalíu í febrúar.. ;)

að þroskast...

2006-11-13T22:59:00.000Z

já.. maður tekur eftir því að maður er farinn að verða fullorðinn þegar að maður er farin að skoða fasteignablaðið og í stað þess að leita eftir húsi sem mundi passa fyrir fjölskylduna (við erum alltaf á leiðinni að fara að flytja) þá eru 2ja herbergja auglýsingarnar farnar að heilla hugann. Svo í stað þess að hugsa um það hvernig maður ætli að hafa herbergið sitt þá er maður farinn að skoða sófasett og Ikea bæklinga og innréttingar... Maður er meira að segja farin að hugsa að lánatöku og hafa áhyggjur af þeim í stað þess að spá í nýjar snyrtivörur eða nýja tískubólu...

Ég hugsa að það væri nú skynsamlegast að búa bara heima eins lengi og hægt (og þolanlegt) er ef maður er eins og ég, með fæturnar á Íslandi en hugann í hinum ýmsu öðrum heimsálfum...

Ég á reyndar oftast ekkert heima heima hjá mér um helgar, en það er önnur saga ;)

;)

2006-11-13T01:37:00.000Z

hver ætlar að koma að djamma með mér aðfaranótt sunnudagsins 26. nóvember niðrí bæ? (eftir 2 vikur)

Vertu hipp eða vertu úti...

myndir..

2006-11-12T21:06:00.000Z

ég bjó til myndasíðu í dag í stað þess að gera landafræðiverkefni...

eddita.myphotoalbum.com

reyndar bara nokkrar myndir komnar inn sem ég tók í gær.. en þetta kemur með kalda vatninu og þegar verkefnin fyrir skólan fara að klára sig sjálf... :{

2006-11-02T20:03:00.000Z

að skoða umsókn fyrir mannfræði í stanford háskóla í bandaríkjunum er góð skemmtun.
ætli það sé kennd mannfræði í Julliard?

vísindi

2006-10-22T14:26:00.000Z

er þróunarkenningin sönn?
erum við komin af öpum sem voru áður bara eitthvað efni?
hvað er þetta Guð?

2006-10-21T15:43:00.000Z

já.. þegar útskriftin færist nær og nær fer maður sífellt meira að hugsa um hvað mun taka við þegar það er allt búið. Auðvitað langar mig að gera miklu meira en ég get gert og hugmyndirnar eru ótrúlega margar en maður þarf að velja úr þeim og á endanum verða það þær skynsamlegustu og hagkvæmustu. Mig hefur dreymt um margt sem ég vildi að ég gæti gert en ég held ég sé komin að loka ákvörðun. Stundum hugsa ég af hverju ég dreif skólann bara ekki af og kláraði í vor og sleppti málabrautinni en stundum er ég bara ánægð með að hafa ætlað að klára á 3&hálfu og taka báðar brautirnar því þá hefði ég ekki getað komist í mannfræði&félagssálfræði :)
planið er nokkurn vegin svona:

Nóvember: skóli og afmælið mitt!! ;)
Desember&janúar&febrúar: próf&vinna
Mars/apríl/maí: fara til Japan í u.þ.b. mánuð
Maí/Júní: vinna & Ítalía
Júlí: fara til Belgíu til Joke
Ágúst: vinna – JOKE kemur til Íslands!!!!
September: háskóli

Eftir miklar vangaveltur komst ég nefnilega að því að það er betra að byrja í háskólanum núna í haust heldur en eftir eitt og hálft ár því 5 ára nám bíður eftir manni þar...

Inn í planið á hinsvegar kannski eftir að bætast við ferð til Nýfundnalands og ferð í Karapískahafið og hver veit nema að það bætist við minni ferðir ;)

Mikið er gott að vita hvað maður ætlar að gera :)

gróðurhúsa áhrif...

2006-10-07T19:32:00.000Z

HAHAHA

í dag grætur ísland...

2006-09-28T20:27:00.000Z

Nú ætla þeir að rista djúpan skurð.
Svo djúpan að hann mun aldrei gróa.
Með þessum skurð munu fleiri skurðir opnast.
Sjaldan er ein báran stök.

Með þessum skurði munu þúsundir annarra lífvera missa heimili sín.
Lífverur sem mér þykir vænt um og elska af öllu hjarta.
Smám saman mun ég blæða og þar með blæða allir sem á mér þurfa að halda.
Án mín er ekkert líf.

(fyrirsögnin tengist ekkert eftirfarandi pósti)

á mánudaginn var afmæli í skólanum og eins og í alvöru afmælum þá fengu allir ís.

Afmælisbarnið var enginn annar en MH sjálfur og sungum við nemendur og kennarar hans "hann er 40 ára í dag" undir fögrum undirleik Jóa stærðfræðikennara á klarinett og félaga hans....

í tilefni afmælisins var skólinn allur skreyttur með blöðrum í fánalitunum og voru blöðrur við hverja stofu. Allan daginn var manni svo að bregða við að fólk var að sprengja þessar blöðrur...

Í morgun var einn IB-nemandi búinn að troða sér ofan í frystikistuna sem ísinn hði verið geymdur í og var að láta taka myndir af sér...

það sem þessum IBburum dettur í hug... ;)

þið sem vitið ekki hvað IB nemi er eruð bara ekki inn... ;)

2006-09-23T14:53:00.000Z

blogg..

lagið: ma tu sei scemo (en þú ert kjáni) - Povia

í rauninni hef ég ekkert að blogga um.. langaði bara að segja HÆ!

Allt gengur bara voða vel og ég er meira að segja inni á myspace !! það gerist aldreii,,,,,

ég bætti inn link á aldo, það er samt ekkert á síðunni hans nema myndir... ég lagaði svo einhverja linka.. ef eitthvað er í klessu látið mig bara vita :)

tjékk þiss át

2006-09-11T21:19:00.000Z

tjékkið á þessu!

www.myfootprint.org

endilega setjið útkomu ykkar í kommentin ;)
Hvað þarf marga hnetti ef allir lifðu eins og þú?

lagið: Bass Hunter - Botten Anna

kveðja,
edda rauðhærða...

könnun

2006-08-31T19:23:00.000Z

Ég ætla að gera óformlega könnun.

Hefur ÞÚ áhuga á því að fara og skoða Kárahnjúka áður en hleypt verður í lónið?

vinsamlegast svarið í kommentin, já eða nei..

skóli

2006-08-30T17:10:00.000Z

eftir nokkra tilgangslausa leit af el caracol ákvað ég að gera næsta heimaverkefni og fer nú að taka persónuleikapróf..

Hvar er el caracol?

Kvef og nýjir íslendingar

2006-08-28T23:17:00.000Z

Já, haustið er að koma og það byrjar með kvefi sem nær upp í augu.. :( Með haustinu byrjar líka skólinn og flestir eru sestir á skólabekk á ný.. MH er yndislegur skóli og ekkert slæmt um hann að segja en ég verð að segja að mér líði svoldið undarlega innan um 300 ný busa plús busana síðan í fyrra sem eru náttla enn busar fyrir mér og fólkið sem er á 3. ári núna sem voru náttla busar þegar ég var úti og því töldust þeir oft með busunum í fyrra. Sem sagt ég og 1000 busar. hehe... ;)

Ég átti stutt spjall við hann Jón um þetta í dag. Maður þekkir orðið bara nokkrar hræður og líður hálf undarelga. Að ég skildi nú bara ekki hafa tekið þetta á þrem árum og sleppt því að vera að taka tvær brautir ;( En þá hefði ég ekkert vitað hvað ég ætti að fara í í háskólanum. æjj þetta er ruglingslegur póstur...

kvef og nýir íslendingar frh.

2006-08-28T23:14:00.000Z

Um helgina var ég í Kaldárseli í arrival camp AFS. Þar var tekið á móti 42 skiptinemum sem verða hér næsta árið. Þetta var fríður hópur og einstaklega stilltur. Enginn slær þó Joke við ;) hún er bezt, meira að segja með zetu ;) Það var þó ein belgísk stelpa sem minnti mig voðalega á hana systur mína, bæði í töktum og útliti :P Belgísku stelpurnar voru svo hressar að þær fóru í eltingarleik á flugvellinum því þær nenntu ekki að hanga inn í rútu og bíða ;D já.. það er alltaf gaman að vera skiptinemi get ég sagt ykkur. Þau eru svo miklar dúllur!! :) :) :) Mikið langaði manni nú að taka einn með sér heim eftir helgina... eða þá að fara heim með einni fjölskyldunni.. Það var einn strákur frá Bandaríkjunum sem mér kom mjög vel saman við. Hann fílar Björk, Sigur rós og Múm og hefði ég fengið að ráða hefði hann farið beint í MH!! En hann býr því miður á Ísafirði þannig að það verður erfitt :P En þess í stað bauð ég honum að koma og heimsækja mig í bæinn og við gætum farið á tónleika eða eitthvað skemmtilegt saman. Svo talaði hann klikkaðslega góða íslensku! Díses kræst bara.. maður gat haldið uppi samræðum við hann á íslensku.. algjör dúlla!!! :)

en já... þetta er frekar tilgangslaus póstur..

held ég fari bara að sofa þar sem ég svaf mjög illa síðustu nótt... (hverjum ætli það hafi verið að kenna?? ;) ;) ... )
A domani
Buona notte!!
Adios!! :)
edda

edda i norge

2006-08-16T21:06:00.000Z

a islandi tykir 250 kr dyrt fyrir stræto.. i noregi kostar stræto, metro, tramm 33 kr nok. eg borga tæpan 6000 kall isl i almenningssamgöngur a 5 dögum en borga ruman 5500 kall isl fyrir rutu og hotel i gautaborg yfir helgina... life is strange

bæ

2006-08-11T12:29:00.000Z

ég er farin til Noregs að rifja upp dönsku og ítölsku í bland!

2006-08-06T23:19:00.000Z

já.. dauðinn er nokkuð sem er orðið daglegt brauð að horfa upp á..

Tréhaus

2006-07-27T23:21:00.000Z

jahá.. sýning LFMH í vetur, Íslenski fjölskyldu sirkusinn hlaut tréhausa!! nánar um það á leiklist.is ;)

2006-07-21T22:21:00.000Z

hér á eftir koma nokkrar pælingar um það sem hefur þotið um eyru mín síðan ég bloggaði (þar)síðast..

fólk hefur verið að segja hvað sambönd væru mikið vesen og enduðu hvort eð er alltaf í leiðindum og hönki.

Þá var eitt sjónarmiðið: Ég sef fyrst hjá stráknum og svo kannski byrja ég með honum, eða dúlla mér með honum. Það er svo ömurlegt að fara á svona deit og maður veit aldrei hvað maður á að segja og byrjar að tala um liti á gardínum (ekki spurja :/...).
sem sagt ef það er túlkað þá er betra að brjóta ísinn með því að ríða stráknum fyrst.

Svo var líka sagt að eftir að hafa lent í alvöru sambandi 13 ára í 3 ár (minnir mig) þá enntist viðkomandi ekki í fleiri sambönd.
sem sagt að eftir að hafa lent í alvöru sambandi svona ungur verður maður svoldið skemmdur og getur ekki komið sér í alvöru samband um ákveðin tíma.

Annað var að viðkomandi gat ekki séð sig með aðeins einni manneskju í 40 ár, það ætti bara ekki við manneskjuna.
sem sagt þá mun það ekki hennta viðkomandi að stofna og búa í kjarnafjölskyldu mynstri.

En ef maður er með sömu manneskjunni í 40 ár þá veit viðkomandi hvað maður vill og hvað maður vill ekki og þekkir betur inn á mann. Fiðringurinn í maganum hverfur ekkert endanlega þótt maður sé ekki enn þá tipplandi á tánum í kringum heitan eldinn.

Maður gæti meira að segja lennt í því að eiga rómantískar gönguferðir á ströndinni við Vitann á seltjarnarnesi og þurfa að hoppa á steinunum til þess að komast til baka sökum há flóðs. Og það er haldið í höndina á manni og manni er hjálpað að hoppa yfir stærstu hindrunina og jafnvel fórnað sér fyrir mann með því að lennda í sjónum með aðra löppina til að hjálpa manni yfir :) <3<3

nú nenni ég ekki að skrifa meira..
er í vinnunni og það eru allir bara rólegir og ég ætla að athuga hvað er í sjónvarpinu...

p.s. minns er sólbrunninn!! ;) ;)

8213780

2006-07-21T18:04:00.000Z

núna um 5 leytið höfðu borist mér 13 ný sms sem ekkert stóð í og frá númeri sem ég hafði aldrei séð áður...

þekkir einhver þetta númer?

W Italiia

2006-07-04T22:09:00.000Z

Ítalía rokkar!!
mikið drama, mikið fjör...

Viva l'Italia!!! ;D

Sorgarstundin...

2006-07-01T16:52:00.000Z

nú er Joke farin heim (eða er í end of stay camp) ásamt Robertu og Jónatan.. =( Við munum öll sakna þeirra innilega og góða ferð krakkar mínir og sjáumst sem fyrst aftur!!

Takk fyrir allt!!

sólin kæra =)

2006-06-24T14:52:00.000Z

já, fólk virðist hafa takmarkaðan áhuga á pólitík...

EN er veðrið nógu gott til þess að ég geti sett dýnuna okkar út á pall og lagst niður á hana í stuttu pilsi og bikiní topp með skemmtilega tónlist í eyrunum og sofnað út frá hlýjunni alveg eins og ég gerði í gær??

hmm...
farin að taka til í herberginu mínu..

súmar og súl!!

huh??

2006-06-20T23:13:00.000Z

próf sem ég tók á þessari síðu og á að sína hvar maður stendur í politík. Veit ekki hversu mikið mark má taka á þessu samt :P

The Political Compass
Economic Left/Right: -7.88
Social Libertarian/Authoritarian: -5.13

hér er niðurstaðan =)

Authoritarian = n.valdboðssinni k.l.ráðríkur; ráðgjarn
Libertarian = frjálshyggjumaður/kona

jeminn...

2006-06-18T23:06:00.000Z

hvað er þetta með sumarið?
Allir ástfangnir eða ekki lengur ástfangnir... =/

"allt vill lagið hafa"

Langar þig í kaffi?

2006-06-15T01:07:00.000Z

Hey!
Langar þig í kaffi? Kannski te, heitt súkkulaði eða bakkelsi?

Komdu þá í heimsókn til mín í vinnuna á morgun, Kaffi Konditori í Kringlunni, á móti Útilíf! Opið til 9 á morgun!

kannski færðu afslátt... ;)

sjáumst!!!

;D

2006-06-10T23:52:00.000Z

ég er í góðu skapi og lífið er yndislegt! :D

eilífðar grallarar

2006-06-07T14:43:00.000Z

í morgun var ég að skoða Moggan og sá auglýsta tónleika Gradualekórsins (sem ég var einu sinni í). Þegar ég var búin að lesa greinina kíkti ég nánar á myndina og fyrsta fólkið sem ég sá vorum ég, dísa og maja!! haha.. þá var þetta svona gömul mynd ;)

en annars er bara allt gott að frétta og lífið er yndislegt eins og venjulega :)

kosningaáróður..

2006-05-25T22:08:00.000Z

ég er að drukkna í bæklingum og bréfsnefsum frá flokkum bæjarins... ég er búin að fá 2 risa plaggöt frá framsókn þar sem hægt er að svara nokkrum heimskulegum spurningum um þau og vinna utanlandsferð í staðin. spurningarnar eru svona:
Hver er í 4. sæti framsóknar í kóp.?
a) bjarni fel
b) samúel örn man-ekki-hversson
c) david beckham

svo er d listinn búinn að senda mér geisladisk og hringja í mig og fleira, samfylkingin sendi í dag fréttablað ungra jafnaðarmanna í kóp á glanspappír og líka til sigurðar, bróður míns. kom mér skemmtilega á óvart hvað ég kannaðist við mörg andlit í blaði ujk.. fólk sem maður vissi ekki að hefði áhuga á pólitík. kannski voru þau bara að nota random myndir, hver veit. í dag kom líka bréf frá vg. eitt lítið, ljósritað mjög flatneskjulegt bréf, póstkort (geggjað samt), næla UVG og mynd af emil...

reyndar eru stjórnmál mjög flatgneskjuleg yfir höfuð...

er samt búin að ákveða hvað ég á að kjósa ;)

Könnun:
á ég að ganga í stjórnmálaflokk?
Hvaða flokk?

svar óskast í kommentum

2006-05-23T14:35:00.000Z

jæja, einkunnirnar eru komnar í hús.

ég heg aldrei haft eins mikið að gera og á þessari önn og aldrei haft eins lítin tíma til að læra en mér gekk bara ótrúlega vel!! fékk tvær 8 (íslenska og saga) og 9 (ítalska, stjórnmálafræði, heimspeki og franska) í öllu hinu! Fékk reyndar 8 í skólasókn!! :P Sem er bara leikfélaginu og útlöndunum að kenna ;)

en já.. nú tekur bara vinna vinna vinna við og svo er maður alltaf til í að kíkja á djammið! ;)
og núna á föstudaginn er fyrsti frídagurinn minn í fokking 2 vikur!!!! ó já... erfitt líf, en pælið í því hvað ég verð rík eftir sumarið og hvað ég get eytt peningnum í marga flugvéla og lestarmiða??!! hehe ;) hann fer allavega ekki í bíl.... :P - tökum strætó!
súr póstur... (talandi um póstmenn.. póstburðarmaðurinn í hverfinu mínu er núna my biggest fear... ) (sjitt, ég skrifaði ensku....) - íslenskt mál!!

en já.. fyrir þá sem vilja gáfulegan póst lesið um bæjarpólitíkina!! stutt í kosningar, eru allir búnir að ákveða sig??

"það er gott að búa í kópavogi" - er það?

2006-05-13T22:19:00.002Z

En aftur að upprunalegum söguþráð. Þar sem ég sá þessa fána kviknaði svo hugmynd hjá mér að kíkja kannski í heimsókn á þessar skrifstofur og næla mér í nælur og lesefni, til að vita líka við hvern maður á að setja EKS þegar þar að kemur. Ég trúi því líka að maður þarf að vita fyrir hvað maður stendur. Ég byrjaði hjá VGK og eftir að hafa labbað upp margar, margar hæðir fann ég litla kosningaskrifstofu og mann að nafni Emil. Emil er ungur og efnilegur frambjóðandi í þriðja sæti á framboðslistanum og sat ég á spjalli við hann í svona einn og hálfan tíma held ég. Hann er einnig formaður VG í kópavogi. Við röbbuðum um umhverfis- og menningarmál, menntunar- og skipulagsmál, hagsmuni innflytjenda og kvenfrelsi, auk þess að ég spurði hann út í tónlistarskólavesenið og svo báru upp á góma okkar samsæriskenningar og byggingagleði Gunnars B. Ég sníkti nokkra pappíra og fékk nokkrar flottar nælur og póstkort sem er mjög skemmtilegt og lýsir mjög stefnu ríkisstjórnarinnar í dag. Þegar ég sagðist nú ekki vera flokksbundin eða neitt en hefði nú samt ákveðin áhuga á pólitík var reynt að lokka mig í starf UVGK og mér væri svo velkomið að kíkja á uppákomur og þess háttar það væri nefnilega svo gefandi og gaman að vera í svona flokkstarfi. Að lokum þakkaði hann mér innilega fyrir spjallið og sagðist hafa haft gaman af heimsókn minni og sagði að það væri alltaf gaman að fá fólk með hugsjónir til að rabba við. Ég hélt því ánægð með uppskeruna út á götuna og veðrið var sem spegilmynd líðan minnar sem stuðlaði að enn meiri hamingju. Ég gekk því nokkra metra upp að gamla húsnæði Tónlistarskólans og skottaðist upp á þriðju hæð. Þar var mikið stærri skrifstofu að finna og þar settist ég á spjalli við formann ungra jafnaðarmanna í kópavogi. Við hann talaði ég svo í rúman klukkutíma. Við skiptumst á skoðunum og álitum, rifumst smá um Evrópusambandið og ég fræddist um stefnu þeirra í sambandi við Tónlistarskólamálin. Hann spurði mig svo hvað mér fannst og hverjar mínar skoðanir væru og ég bað hann svo að rökfæra sínar skoðanir. Einnig var rabbað hér um umhverfis-, menningar-, innflytjenda-, menntunar-, kvenfrelsis- og skipulagsmál. Ekkert kaffi var í boði hér en hann bauð mér að kíkja á kaffi borg núna á næstunni þar sem þeir væru að koma upp aðstöðu og þar væri hægt að fá kaffi og kleinu. Að lokum tók hann mig svo að lokka mig inn í ungliðastarfið þeirra. Hann tók niður e-mailið mitt og lofaði að senda mér e-mail um uppákomur og þess háttar sem væri í boði á vegum ungra jafnaðarmanna. Ég fékk engar nælur en svolítið magn af glanspappír. Að lokum þakkaði hann mér kærlega fyrir spjallið og sagði mér að smám saman mundi hann geta sannfært mig um inngöngu Íslands í ESB og það kæmi bara með tímanum. Hann sagði líka að það væri sjaldan sem að svona ungt fólk kæmi að tala um pólitík og hefði eitthvað vit á því og vissi um hvað það væri að tala og með góðar hugsjónir. Hann sagðist svo vona til þess að sjá mig aftur og ég þakkaði kærlega fyrir mig og þær upplýsingar sem hann hafði veitt mér. Ég trítlaði svo niður stigann og kom út í þetta dásemdar veður sem gerði mig svo glaða að ég ákvað bara að labba heim til mín! Á leiðinni heim var svo heitt að ég var að kafna! Þegar ég kom heim sagði ég svo foreldrum mínum hvað ég hefði eiginlega verið að gera í dag en það fussaði bara í pabba mínum svo ég ákvað að láta um kyrrt sitja og halda þessu bara fyrir mig. Yfir kvöldmatnum sagði pabbi minn svo: “Hva, hún er bara orðin kommúnisti áður en maður veit af!” – ekki skil ég nú hvað allir eru alltaf að bendla mig við kommúnisma. Ókei, ókei.. ég skrifaði nú ritgerð um kommúnistabyltinguna í Kína og svo um Maóisma í annarri ritgerð.. Vinur minn fá Argentínu heimtaði að fá mynd af mér með Che Guevara bók í hendinni og hnefann á lofti! Ég er í mh en það þýðir ekkert að ég sé kommúnisti svo hættið að halda því fram! En þetta var bara út-úr- dúr. En allavega þá er ég skrefinu nær að um það við hvern skal eksa þegar þar að kemur. Ég ætla nefnilega að eksa við þá sem standa fyrir það sem mér finnst skipta máli, ekki við þá sem ég þekki eða tel mig geta grætt á. Kant sagði að þú skalt ætíð fara eftir þeirri lífsreglu sem þú vilt að verði að almennu lögmáli. Þú skalt ekki fallast í freistni með því að breyta rangt til að ná fram eigin hagsmunum og brjóta þannig á hinu skilyrðislausa skylduboði. Það er skylda þín að breyta rétt!! Til að ljúka þessu svo þá virðast nýjir tímar að nálgast í pólitíkinni í Kópavogi. Allavega að mati Samfylkingarinnar og VG enda er kannski tími til að stjórnin úr hægri kanntinum sem er búin að vera við völd í ein 16 ár fari í smá frí og endurnæri hugmyndaflug sitt. [/Viðvörun lýkur] Jæja?! Hver entist í að lesa þetta? ;)

"það er gott að búa í kópavogi" - er það?

2006-05-13T22:19:00.001Z

Á þriðjudaginn fór ég í fyrsta prófið mitt og það síðasta í mh þessa önnina. Það var heimspeki og gekk bara vel, krossaspurningarnar voru aldrei þessu jafnt bara nokkuð auðveldar og mér gekk ágætlega með skrifuðu spurningarnar. Lærði þannig séð ekkert mikið fyrir prófið þar sem ég vissi a ég mundi fá svona 8 í því miðað við gengið í vetur.

[Viðvörun = Stjórnmálapóstur]

En þar sem ég var búin að missa af fjarkanum ákvað ég að taka Seinn upp í borg hamrana og fara einn hring þar. Það fyrsta sem ég sá þarna í hinum smekklausa miðbæ kópavogs voru stærðarinnar myndir af frambjóðendum samfylkingarinnar á cafe borg. Þegar litið er svo hinumegin við götuna voru svo fánar vinstrigrænna. Vinstri grænir hafa ekki verið áberandi í bæjarpólitíkinni hér í kópavoginum og buðu þeir fyrst fram við síðustu bæjarstjórnarkosningar en náðu ekki manni inn. í dag er markmiðið að koma inn helst tveimur mönnum inn og virðast kópavogsbúar að vera að vakna til umhugsunar um að styðja einhvern annan en Gunnar Birgisson (bæjarstjórinn okkar) sem samkvæmt Bubba Morteins fer í olíubað. Olíubaðið ætti samt að henta honum vel því byggingargleði hans er svo mikil að hann ætlar að fara að byggja út í sjó!

2006-05-13T22:19:00.000Z

Eurovision drykkjuleikur!

(Y)

grallarar

2006-05-07T16:33:00.000Z

í gær gerðist ég óþekkur námsmaður og fór og kíkti niðrí bæ ásamt henni drauma dísu.
við ætluðum nú ekkert að vera lengi þar sem við erum nú báðar í prófum og söngpóf að koma upp. en allavega þá löbbuðum við beint inn (!!) á kúltúra og settumst í sófa og ræddum málin og slúðruðum smá inn á milli ;) ég verð að segja að kúltúra er mjög áhugaverður staður. það er svo mikið af týpum þarna, alls konar fólki bara og ég verð að viðurkenna að ég gleymdi mér svolítið í því að horfa á fólki og undrast yfir fjölbreyttninni.

en á endanum kom svo fólkið sem við vorm búnar að mæla okkur mót við :) þá var kjaftað og dansað og drukkið (nema ég, ég var á bíl) en samt í hófi samt... allavega þá átti ég í samræðum við eina manneskjuna á þremur tungumálum (eða kannski fjórum...) það kvöld. plús það að hlusta á spænsku líka.. þetta var nú merkilegt.. alltaf gott að geta tjáð sig í sem flestum orðum.

við komum seinna heim en áætlað var vegna ýmissa ástæðna, en ein stór var sú að ég þurfti að keyra dísu í grafarholtið sem er bara langt frá öllu!!

í morgun var ég svo dregin niður í morgunkaffi úti í sólinni. ég settist svo út seinna um daginn og tók með mér heimspekibækurnar (þær sem ég ætti að vera ða lesa einmitt núna) og svo tölti ég niður í snæland vídjó og keypti mér ís, eftir að hafa beðið í 10 mín. langri röð...

svo kom ég hinngað í tölvuna að hangsa.. ég virðist þjást af einbeitingarleysi á háu stigi í augnablikinu... =/

jæja þá eru það epikúringar og skyldusiðfræði :)

2006-05-02T22:58:00.001Z

ég verð líklega að vinna í tveim vinnum í sumar... Nú er bara að vinna eins og brjálæðingur, skella sér svo til Noregs í 10 daga þann 11. ágúst (sorrý Anna Guðrún!) en ef einhvern langar að skreppa í helgarferð einhvert bara að hafa samband við mig.. ég er í svona verð-að-komast-til-útlanda ástandi þessa dagana, sérstaklega þar sem ég á að vera að lesa fyrir próf!!!! úffa...

bæjó og gangi ykkur vel í próflestrinum og prófunum

gáfnaljós!

2006-04-30T00:50:00.000Z

ég verð að segja ykkur þær gleðifréttir að ég komst að því að ég kann að tala frönsku!

jahá.. þetta er nokk merkileg uppgötvun finnst mér.... ég fékk nefnilega 9 í munnlega frönskuprófinu mínu!! Svo fékk ég líka yfir 9 í hlustun og þá endaði lokaeinkunin mín bara í 9!
Jahá... ég var búin að finna það út að ég mundi fá 8 í frönsku (áður en ég fékk að vita einkunnirnar í munnlegaprófinu og hlustuninni) en mundi örugglega ekki ná upp í 9 þannig að ég er bara ótrúlega ánægð!! =) enda er frönskukennarinn minn alveg frábær!! Hlakka sko bara til að vera 5. önnina hjá henni í haust!!! =P

2006-04-26T02:49:00.000Z

You Are a Golden Blonde

Men see you as flirty and fun, yet deep and thoughtfulYou've got all the pizzazz of a blonde...With the intensity of a brunette

How Blonde Are You?

Þá er það komið á hreint krakkar mínir :)

2006-04-23T22:27:00.000Z

jæja... þá er íslenski fjölskyldusirkusinn liðinn undir lok og við taka endalaus próf og ritgerðaskrif og mikið stress alla næstu viku... =/ er að fara í munnlegtpóf í frönsku á morgun, stjórnmálafr.próf á þriðjudaginn og á föstudaginn er söngpróf og þá þarf ég líka að vera búin að skrifa 60% ritgerð sem ég er komin MJÖG stutt með, plús að ég á að vera búin að skrifa ritgerð um Evrópusambandið og svo er einhver 8 blaðsíðna íslenskuritgerð sem þarf að skila í prófunum.. Sem betur fer fer ég bara í eitt próf... úffa... Ég hugsa að í komandi viku muni ég lifa á kaffi og vítamínum... verst hvað mér finnst gott að sofa...

snjókoma

2006-04-03T15:50:00.000Z

snjórinn fellur til jarðarinnar
en það myndast engir skaflar.

LFMH kynnir: ÍSLENSKI FJÖLSKYLDUSIRKUSINN

2006-03-25T13:32:00.000Z

OMG, skilrru...

jæja krakkar mínir...

nú eru sýningar hjá LFMH á Íslenska fjölskyldusirkusnum byrjaðar og erum við sko að slá í gegn!! ;) Það er ekki á hverjum degi sem áhugaleikhús fær dóma á þessa leið:

"Ég hef fáar sýningar séð þar sem jafn stór hópur skilar jafn góðu jafnvægi milli stjórnlausrar orku og agaðrar nákvæmni. Að hópurinn skuli geta gert þetta svona ungur er ekkert minna en kraftaverk"

"Íslenski fjölskyldusirkusinn er einhver eftirtektarverðasta sýningin á fjölum borgarinnar í dag".

þar af leiðandi ætlið þið öll að koma, er þaggi?? ;) næsta sýning er í kvöld!!! ;D

annars er það að frétta af mér að ég er bara á fullu í skólanum, söngnum og svo leiksýningum þess á milli... á morgun er hún litla frænka mín svo að fara að fermast... til hamingju með það Andrea mín :)

EN núna ætla ég að fara að skrifa heimspeki ritgerð sem ég átti að skila fyrir viku!! svo er stjórnmálafræðipróf of heimspeki próf fram undan í þessari viku auk 4 sýninga...

bæjó (jón) spæjó! ;)

Evrópusambandið...

2006-03-15T22:27:00.001Z

að rífast um inngöngu Íslands í Evrópusambandið á ítölsku rifjar upp gamlar minningar frá aðfangadagskvöldi jóla 2004, en þá lenti ég í sömu umræðum rétt fyrir mat.

Þá sagðist ég vera á móti því en vissi ekkert af hverju.

Í dag er ég enn á móti því, en veit betur af hverju.

2006-03-12T21:02:00.000Z

- www.nfmh.is/ifs -

ég á mér ekki líf þessa dagana vegna linksins hér fyrir ofan....

en fór með önnu guðrúnu í gær á kaffi hljómalind og var þá anna sóley bara ekki að vinna sem var sniðugt. svo ætluðum við anna guðrún að fara og sjá rent í regnboganum, en eftir hálftíma bilaði vélin með myndinni í svo við þurftum bara að fara. fórum bara aftur á hljómalind og hjálpuðum önnu sóleyju að ganga frá :)

Ferðalag?

2006-02-21T00:54:00.000Z

rauða ferðataskan stendur í forstofunni tilbúin til ferðar,
hún bíður aðeins eftir því að ferðalingur komi og dragi hana.
dragi hana á vit ævintýranna
og að hún geti fengið að koma troðfull heim,
með nýjum hlutum sem fylla upp í tómarúmið.

Bara að við gætum fyllt út í tómarúmið með nýjum hlutum....

En allavega þá er minns bara stunginn af!!

kem attur 1. mars, skiluru!
það verður tremma stuð því, þúst, ég er svo ógó töff, skilurru!

;)
eddina, che andra' in italia domani con Anna Sóley!! Ci sentiamo presto cari amici miei!! Fate i bravi e nn mancarmi troppo!! hehe ;)

tíminn líður hratt...

2006-02-17T13:18:00.000Z

JÆJA!

ég er lifandi!! (en samt veik...)

í rauninni ætlaði ég að vera búin að setja fullt hér inn en mér bara gefst enginn tími til neins nú til dags!

Óperusýningin er þó búin svo að föstudagar eru ekki lengur einu dagarnir sem ég hef ekkert að gera eftir skóla! En við bætast fleiri og fleiri leikfélagsæfingar! Enda fer að styttast í að við munum setja leikritið upp á fjalirnar í Loftkastalanum ;) Á morgun er æfing frá 13 - 17 og svo er partý annað kvöld en ég veit ekki hvort ég kemst sökum þess að ég er með slæmt stig af hálsbólgu, vantar bara hitann!! Á sunnudaginn þarf ég svo líka að fara á hljómsveitaræfingu kl. 12 og svo kl. 15 á ég að mæta á kóræfingu og kl. 17 eru tónleikar í Langholtskirkju og það er ÓKEYPIS INN!!!

Á þriðjudaginn er ég svo að fara til Ítalíu!!! missi reyndar af árshátíð og lagningardögum, en ég fæ að hitta allt elskulega fólkið mitt á Ítalíu og það verður sko gg* (eða hvernig sem gelgjurnar skrifa það) gaman! Anna Sóley ætlar að koma með mér og við verðum í "góðu stuð"i á Carnevale ;) ;) híhí... allavega þá er lífið bara yndislegt og það er svo gaman að lifa og bara hoppum saman ofan í djúpu laugina!!!

annars var ég í stjórnmálafræði áðan og það kom þingmaður frá Samfylkingunni. Í síðustu viku kom þingmaður frá Sjálfstæðisflokknum og verð ég að segja að mér leist betur á þann fyrr nefnda. Gott menntakerfi og engar stóriðjur sem hækka gengi krónunar svo að hátæknifyrirtækin þurfi að flytja úr landi. Verndum umhverfið!!!! en landbúnaðarstefnan hjá samfylkingunni var soldið loðin.. skildi ekki alveg hvað þeir voru að meina með því að flytja inn landbúnaðarvörur frá þriðja heiminum, hvað verður um okkar landbúnaðarvörur þá?? hmm.. en Sjálfstæðisflokkurinn er ekki fyrir mig... Um daginn var svo fólk frá Frjálshyggjufélaginu og það var bara mesta vitleysa sem ég hef heyrt lengi sko... Lögleiðum fíkniefni, fáum leyfi hjá einhverjum milla til að stunda kynlíf á miklatúni, göngum nakin niður laugarveginn og tökum niður velferðarkerfið og búum til góðgerðarstofnun þar sem ríka fólkið gefur peninga í sem er svo gefið fátæka fólkinu.... æjj... úps.... hvað er málið?? íslenska...
(ég sem ætlaði að reyna að vera ekki pólitísk hérna...)

Hvern á svo að kjósa í Eurovision??
Bjartmar fær allavega eitt atkvæði frá mér.. var búin að lofa honum því ;)

ég ætla að vera leiðinleg og setja inn enn eitt "klukk" dæmið!!! ;)

2006-01-24T10:50:00.000Z

1. Hver ert þú?
2. Erum við vinir?
3. Hvenær hittumst við fyrst og hvernig?
4. Ertu hrifinn af mér?
5. Langar þig að kyssa mig?
6. Láttu mig hafa gælunafn og útskýrðu afhverju þú valdir það.
7. Lýstu mér í einu orði.
8. Hvernig leist þér á mig þegar þú sást mig fyrst?
9. Lýst þér ennþá þannig á mig?
10. Hvað minnir þig á mig?
11. Ef þú gætir gefið mér eitthvað hvað myndi það vera?
12. Hversu vel þekkiru mig?
13. Hvenær sástu mig síðast?
14. Hefur þig einhvern tímann langað til að segja mér eitthvað en ekki getað það?
15. Ætlaru að setja þetta á bloggið þitt svo ég geti skrifað um þig?

minningar...

2006-01-24T10:25:00.000Z

það er liðið meira en ár síðan ég fór og hálft ár síðan ég kom til baka. Samt er eins og allt sé svo fjarrænt, hafi kannski aldrei gerst, heldur sé bara í hausnum á mér. Samt finn ég hvernig allt er breytt síðan þá. Ég sjálf, aðrir og einnig heimurinn sjálfur. Myndirnar minna mig á tilfinningarnar og fólkið. Einstöku bréf og símtöl minna mig á við og við að þetta var allt satt og raunverulegt. Ég tilheyri því ekki aðeins þessum heimi sem þið þekkið, heldur líka þeim heimi sem mér finnst stundum að sé aðeins í hausnum á mér, þið fenguð aldrei að upplifa þann heim. Ég lifi þess vegna tví lífi sem þýðir að aðeins hálf ég er hér. Partur af mér varð eftir í sumar og svo ferðuðust litlir partar út um víðan hnöttinn. Ég sjálf kom heim með parta af öðrum sálum. Þessir sálarpartar eru frá vinum mínum, vinum sem munu alltaf búa í hjartanu en ég mun sjalnda hitta, ef ég mun þá hitta þá það sem eftir er. Ég er með heimþrá.
Hlutirnir verða aldrei eins og þeir voru og ég verð aldrei eins og ég var.

Ballettdansarinn ÉG!

2006-01-13T14:44:00.000Z

Söngkennarinn minn fékk þá undarlegu flugu í hausinn á sér að ég gæti dansað ballett. Þess vegna mun ég dansa spreybrúsadans í óperunni sem verið er að setja upp í tónlistarsk. Við erum þrjár stelpur sem erum að þessu og hinar tvær eru búnar að vera í dans síðan þær voru 6 ára. Dansinn er að vísu ekkert ótrúlega erfiður, engin flikk flökk eða ballettstökk.. Ég mun örugglega líta svoldið illa út við hliðina á þessum stelpum með mínar fótboltalappir!! ;) En annað hvort mun þetta takast ágætlega og ég mun standa mig vel sem er gott eða þá ég mun klúðra þessu svo mikið að það verður svo fyndið að ég mun hlægja mig dauða að því!! ;D Ég fæ meira að segja ekki einu sinni að syngja !! Þetta er víst einhverskonar auglýsing í auglýsingarhléi og við verðum víst að dansa með einhverja spreybrúsa!!

Fyrir utan þessa óperuæfingar, sem eru tvisvar í viku skilst mér, þá eru kóræfingar tvisvar í viku líka. Ég er búin að taka þá lokaákvörðun að vera hetja og hætta ekki í kórnum í bil allavega.. ;) verð samt að segja að ég hefði ekkert á móti því að fara í annan kór.. en þetta verður að duga í bili þar til betra býðst.. ;)

Svo er það blessað söng námið. Ég þarf að leggja mig mikið fram núna tils að ég nái sem lengst. Ég ætla ekkert að vera að taka miðprófið núna, enda allt of mikið að gera, en ég ætla að reyna að gera það um svipað leiti og ég útskrifast úr MH. Því þarf ég að vera extra dugleg að æfa mig heima :( (eitthvað sem ég er aldrei dugleg við að gera...)

Já.. Það nýjasta er svo leikritið. Ég sem sagt verð með í leikritinu sem sett verður upp í vetur og það verða örugglega fullt af æfingum þegar nálgast fer í frumsýningu.

Sem sagt þá er ég á fullu á hverjum degi... Föstudagar eru lúxus dagar því þá er ég í gati í skólanum og er ekki í neinu eftir skóla!! :D

jæja.. ég er þá farin úr þessari skólatölvu.. er búin að missa af strætó svona 3var sinnum... núna...

ADIOS AMIGOS!!

2006-01-12T11:02:00.000Z

bætti inn tengli á hana Auði Apa sem er núna á Ítalíu í ítölskuskóla!! =)

Annars er bara allt ágætt að frétta af mér. Skólinn er byrjaður aftur og ég er hvorki meira né minna en í 22 einingum í töflu sem þýðir eitt gat í töflu og einn morgun sem fer samt í söng tíma og ég er alltaf til hálf fjögur, nema á miðvikudögum en þá fer ég samt beint upp í tónó í undirleik og er búin þar hálf þrjú.
Áfangarnir mínir:
Fra 4036 - málfræði, stór hópur, og þekki mjög fáa þeir eru samt fínt fólk :)
Fra 2136 - franskar kvikmyndir hjá Gerard, mætingarskylda á mínútunni sem hringir inn!
Íta 213 - ítalskar kvikmyndir. MJÖG lítill hópur, erum 10 sem er mjög þægilegt, en samt mjög gaman að fá að hlusta á ítölsku, reyndar er líka mikil saga kvikmyndanna á íslensku en hugsa að þetta verði gaman, alltaf gaman að tjá sig um ítalska menningu!! ;)
Hei 1036 - Heimspeki. Veit ekki hvað skal segja, var í fyrsta tímanum áðan.
Sag 3036 - 60% sagnfræði ritgerð.. úff... Kennarinn er samt mjög fyndinn :P
Ísl 3936 - galdrabókmenntir. Mjög skemmtilegur áfangi hugsa ég :)
Fél 3036 - stjórnmálafræði hjá Stefáni Karls! Mjög skemmtilegt. Ætli ég geti ekki ákveðið þá í annarlok hvort að ég ætti að fara í stjórnmálafræði eða ekki í HÍ haust 2007!! (vá, langt þanngað til!!)
Lík 701- jóga framhald :)

Eitt lokapróf í vor, í heimspeki og fullt af ritgerðum og verkefnum í nánd.. En gaman....

bæti við í næstu frímínútum hvað ég er svo að gera fyrir utan skóla..

Edda Ofurhetja!

2006-01-07T20:37:00.000Z

Your results:
You are Supergirl

Supergirl		75%
Superman		70%
Robin		67%
Spider-Man		65%
Wonder Woman		55%
Catwoman		50%
Hulk		40%
Green Lantern		35%
Batman		30%
The Flash		30%
Iron Man		20%

Lean, muscular and feminine.
Honest and a defender of the innocent.

Click here to take the Superhero Personality Test

árið 2005

2006-01-02T18:04:00.001Z

Það virðist vera vinsælt að gera gamla árið upp á bloggsíðum bæjarins.
allavega.. Mín síðustu áramót voru frekar slöpp. Var föst upp í ítölsku ölpunum á skíðum með vini mínum frá Japan. Ég kunni ekki á skíði (sem öllum fannst mjög fyndið þar sem ég var frá ÍSlandi) og ég held ég fari ekkert aftur á skíði í bráð.. hehe.. ;P EN allavega þá gerðist ýmislegt hjá mér á árinu 2005.

Fór til Feneyja
Ég fékk nýja fóstur fjölsk.
Carnivalið í bænum mínum !! (Sem er svo frábært að ég er að fara aftur núna í febrúar)
fór til Sikileyjar
fór til Parísar í Disneylandið þar
fór til Rómar
eignaðist ítalskan kærasta
lærði hipp hopp dans
fór til Puglia (héraðið á hælnum á ítalíu)
Fór á alvöru ítalskan fótboltaleik og keypti miðann á svörtu.. úps..
kom heim frá Ítalíu!
eignaðist belgíska systur
byrjaði aftur í MH
varð AFS sjálfboðaliði
fór til Parísar með MH
fór á ótrúlega skemmtileg djömm með elskulegum vinum mínum hérna á Íslandi o.m.fl.!!!!

Árið var skemmtilegt verð ég að segja.. og mér finnst árið 2006 hafa bara byrjað mjög vel ;) thíhí... En ég vona að árið 2006 verði skemmtilegra en árið 2005 en það mun reynast erfitt.. við sjáum bara til!!

ó sjitt.. það var að renna upp fyrir mér að ég verð 20 ára á þessu ári... 1986 - 2006.. hehe... =/

2006-01-01T22:22:00.000Z

lífið getur verið ótrúlega skrýtið stundum....

2005-12-25T01:43:00.001Z

Gleðileg jól elsku dúllurnar mínar og hafið það sem best um jólin og áramótin!!

Jólaknúsar!
Edda =)

skólinn búinn

2005-12-20T01:44:00.000Z

já, einkunnirnar komu í dag og það gekk bara mjög vel, lægsta einkun var 8!! :D
var með meðaleinkunn upp á 9,0, ef teknar eru einkunnir í leikfimi og skólasókn en í svona bóklegum fögum þá var ég með 8,6 og svo staðist í Parísaráfanganum..

óvæntasta einkunnin: enska - 8 / jóga - 10

2005-12-12T17:44:00.000Z

ítalskur jóli á hraðferð!

jæja..

2005-12-08T13:07:00.000Z

Þá er sagan búin og það gekk ágætlega!! EN alltaf þarf maður lengri tíma til að skrifa í söguprófum... =/ náði meira að segja að róa mig niður með spjalli við sögufélagann minn fyrir próf svo ég var ekkert mikið stressuð, þó að í enda prófsins skrifaði ég bara allt í belg og biðu

Ég hef komist að þeirri niðurstöðu að einn kennara minna beitir kynferðislegumisrétti! hmm... obbobbobb...

Þegar ég er búin að komast að því hvaða strætó ég get tekið í tónastöðina (þar sem það er svo mikil rigning neni ég ekki að labba ;) ætla ég að fara út í kringlu og fá mér að borða og setjast niður á kaffihús og lesa sálfræði.. vonandi losna ég þá við þessa undarlegu tilfinningu sem ég er með í maganum eftir þetta expressó sem ég drakk úr sjálfsalanum fyrir prófið sem var víst svo eitthvað súkkulaðiexpressó, sem ég gerði strong með miklum sykri þar sem ég svaf sama sem ekkert í nótt og vaknaði klukkan 6 í morgun!! hehe...

Jólaprófskveðjur!!

2005-12-07T23:05:00.000Z

mér til mikillar undrunar er ég allt í einu skráð bæði á félagsfræði og málabraut!!

ætli þetta þýði þá ekki engin afbrotafræði og meri franska!! =/

próf

2005-12-02T07:50:00.000Z

fyrsta ALVÖRU prófið í dag eftir 5 tíma!! ó sjitt!!! ahhrg!! =/

ég á afmæli á laugardaginn!!

2005-11-24T14:10:00.000Z

Þá verð ég 19 ára blómadansmær, aðeins eldri og vitrari fyrir vikið ;) !!!

2005-11-22T22:40:00.001Z

ég var spurð af því af góðum vini mínu hvort ég vildi ekki koma til Boston/New York um páskana og ég gat ekki gert annað en að athuga miðaverðið... Það kostar á bilino 40.000 - 50.000 bara flugið... =/

ég vildi að það væri ókeypis að ferðast!!!!

tröllskessa

2005-11-20T22:20:00.000Z

Skáldajötunn

Þú ert nýjungagjarn, tilfinningaríkur innipúki.
Skáldajötunninn er svo opinn fyrir nýjungum á sviði lista og menningar að honum tekst að sjá list út úr óbreyttri skranhrúgu eða einmana slettu á striga. Skáldajötunninn tekur til í herberginu sínu og kallar það listrænan gjörning. Hann er mjög líklega með óskrifaða skáldsögu í hausnum eða óútgefna bók í skrifborðsskúffunni, þ.e. ef hann hefur ekki þegar fengið bók sína útgefna.

Skáldajötunninn lifir fyrir listina og myndi frekar kaupa blek fyrir fjaðurstafinn sinn heldur en brauðhleif þótt hann hefði farið án matar svo dögum skipti. Hann unir sér vel einn með eigin hyldjúpu hugsunum.

Hvaða tröll ert þú?

af kommúnistum og fasistum...

2005-11-14T15:52:00.000Z

í morgun þegar ég var á gangi fór ég allt í einu að hugsa um gamla skólann minn úti og það rifjuðust upp gamlar minningar. Jú, það var nú þannig að þó að Ítalir séu flestir vinstri sinnaðair þá var ég í einhverjum pleppa skóla þar sem meiri hluti fólksins var hægri sinnað. Ég var með 3H í leikfimi um tíma og það var bara mesta tjill ever og innihélt þessi bekkur samansafn af heitustu gaurum skólans. Við sátum alltaf bara inní klefanum og spjölluðum og hlustuðum á tónlist og voru oftar en ekki strákarnir sem ekki nenntu að vera í körfubolta inní kvennaklefanum. Á milli þess sem talað var var farið út að reykja!! Einstaka sinnum vorum við þó kölluð fram af kennaranum tils að fara í blak. En allavega þá var það einn daginn að einn gaurinn vindur sér að mér og Julie fra Norge og spyr okkur um pólitík. Julie varð fyrri til svara og sagðist vera hægri sinnuð (vil koma því á framfarir að hún er í svona snobb skóla í Norge aka. verzló). Ég leit á hana soldið hissa þar sem það viðgengst að skiptinemar séu svona aðeins til vinstri. Gaurinn spurði mig og ég sagðist jú vera hrifnari af vistrimönnum. En gaurinn misskildi þetta og hélt að ég væri sko kommúnisti!! Eftir það gekk ég undir nafninu íslenski kommúnistinn. Gaurinn sjálfur sagðist sko vera fasisti alla Mussulini og vera sko eins langt til hægri og hægt væri!!! Svo talaði hann um það hve Hitler hafi verið sniðugur á sínum tíma, sem er gott dæmi um það hve Ítalir eru miklir rasistar! Hann reyndi svo að útskýra mér þetta allt sko, hve Mussolini hefði verið frábær og allt það. Ég hló nú bara að vitleysunni í honum en þar sem þetta var í svona október þá var ég ekki komin með nógu mikla kunnáttu á málinu til að geta tjáð mig um mínar perónulegar pólitísku skoðanir. Í bekknum var svo alltaf talað um mig sem íslenska kommúnistan og jafnvel í trúarbragðafræði var Julie spurð hvortég væri í alvörunni kommúnisti og AF HVERJU!! Mér finnst þetta nú bara soldið skondið, eh..!?

En já.. það er stundum gaman að rifja upp svona skemmtilegheit frá skiptinemaárinu mínu :)

meira klukk..

2005-11-14T12:52:00.001Z

jájá.. þá er það meira klukk... Nú var það hún sigrún frænka mín sem klukkaði mig víst... ;P

7 hlutir sem ég ætla að gera áður en ég dey:
- verða rík
- fara til S-Ameríku
- fara til Asíu
- læra japönsku
- læra spænsku
- eignast börn, mann og stórt hús
- fara í háskóla og mennta mig mikið

7 hlutir sem ég get gert:
- sungið
- talað ítölsku
- náð í nefið með tungunni
- spilað á klarinett
- eytt miklum pening í skó
- verið ótrúlega sparsöm
- legið upp í sófa og horft á bíómyndir allan liðlangann daginn með popp og kók

7 hlutir sem ég get ekki gert:
- labbað á háum hælum
- teiknað vel
- spilað blak með ítölum
- smellt fingrum með hægri (öfugt við hana Sigrúnu frænku ;)
- verið ófeimin í kringum fólk sem ég þekki ekki mikið
- verið afslöppuð fyrir próf og aðra stóra og mikilvæga áfanga í lífi mínu
- hætt að tala um Ítalíu og allt sem gerðist þar... ;P

7 hlutir sem heilla mig við hitt kynið:
- brosið
- augun
- hárið
- bjartsýni
- gáfur
- umhyggja og hlýleiki
- ákveðni í samandi við lífið og framtíðina hans

7 frægir sem heilla mig:
- orlando bloom
- Heath Leger
- Asthon Kutcher
- Bruce Willis
- elijah wood
- Brad Pitt
- Johny Depp

7 orð sem ég nota mikið: (á þessum tímapunkti)
- ke palle
- vaffanculo
- díses kræst
- ohh...*rolleyes*
- ókei
- já
- nei

7 hlutir sem ég sé akkúrat núna:
- Tölvuskjáinn
- flottustu plaggöt plaggatasögunnar unnin af mér, dísu, ekaterínu, maju, rakel og rán í frönsku 233 ;)
- skjaldamerki Íslands útsaumað
- slatta af MH-ingum
- gráa súlu
-stofu 33, frönskustofan
- tilkynningasjónvarpið

7 hlutir sem fólk veit ekki um mig:
- ég er með fæðingarblett á vinstri vísifingri (sem ég uppgötvaði á ítalíu.. já, mér leiddist í skólanum... )
- fyrverandi kærastinn minn heitir Fabio
- mér hefur verið boðið að reykja marjúana af gaur sem var yfir sig ástfanginn af mér og gerði allt til að reyna að sannfæra mig um að það væri allt í lagi
- ég þjáist af fullkomnunaráráttu á háu stigi
- ég hef kysst fleiri ítalska stráka en íslenska... =/
- ég hef mikinn áhuga á pólitík
- ég fékk 10 í bókenntum í 5.bekk í grunnskóla...

Ég ætla svo ekki að klukka neinn heldur mega bara þeir sem vilja apa þennan leik eftir mér...

kitl

2005-10-27T15:13:00.000Z

°hahahahahahahahaha.....

ég get ekki labbað um á pinnahælum
ég vil ekki fara í fallhlífa eða teygjustökk
ég get ekki umgengist karlrembur
ég vil ekki verða heimavinnandi húsmóðir
ég vil ekki fá greidd lægri laun en karlar fyrir sömu vinnu....!!!

klukk

2005-10-04T10:10:00.000Z

mér finnst gaman að dansa og ég hef lært hipphopp dans
mér finnast pils sniðug og mér finnst gaman að vera í þeim, þótt þægilegast sé að vera í gallabuxum. Fötin mín þurfa alltaf að vera í mörgum litum, mér finnst ekki flott að vera bara í svörtu og finnst skrýtið að sumt fólk gengur í öllu svörtu
ég er söngfugl! Mér finnst gaman að syngja, elska söngleiki (mér finnst gaman að leika líka), singstar (þótt ég eigi það ekki), karókí, í kór og í söngtímum. Einnig hef ég bara mjög gaman af tónlist yfir höfuð! :)
mér finnst gaman að tala útlesku! ég kann:
Íslensku
Dönsku
Ensku
Ítölsku
Auk þess hef ég lært frönsku í 1 og 1/2 ár en get svo sem ekki sagt að ég kunni mikið eða geti talað frönskuna. Ég get líka talað nokkra norsku og svo hef ég lært þýsku á ítölsku!! Svo eftir áramót er ég að fara að læra spænsku!! Þegar ég tel öll þessi tungumál saman þá eru þetta alls 8 tungumál!! Það er slatti og ég er EKKI skráð á málabraut ;)
ég þjáist af fullkomnunaráráttu á háu stigi! Sem gerir það líka að verkum að ég er ótrúlega kröfuhörð á sjálfa mig og þoli alls ekki þegar mér gengur illa!!

þetta voru nú ekki upphaflegu staðreyndirnar í klukkpóstinum mínum, en það er alveg jafn gaman af þessum eins og hinum, ef þær eru bar'ekki skemmtilegri ;)

klukk

2005-09-26T10:36:00.000Z

ég er búin að skrifa klukkpóstinn en hann bara kom ekki því talvan mín heima er leiðinleg... allavega þá klukka ég næsta fólk, Sigrúnu frænku mína, Tinnu nágranna, Önnu Lind Ítalíufara og Kari fra Norge!!! :)

Þið ágæta fólk þurfið að skrifa skemmtilegar 5 staðreyndir eða hluti um ykkur sjálf og klukka svo næstu fimm :)

einn, tveir, þrír, fjórir, fimm, dimmalimm...

2005-09-23T19:25:00.000Z

já... ég ætlaði víst að blogga um fystu skólflustunguna og komandi helgi og plús það að ég var klukkuð en það er bara ekki tími til þess.. Ég er að fara núna niðrí skóla á ræðuupphitunarkeppni á milli MH og MR kl: 8 svo það er bezt að fara að lalla sér.

Ég fer sem sagt EKKI norður um helgina heldur verð í bænum (gvöð hvað ég hljóma eins og einhver sveitalúði(ekki það að þeir séu slæmir;)) og er að fara í tvö partý! Það er innflutnings/afmælis/fyllirís/djammpartý (eins og hún orðaði það) hjá Lóu og svo er leiklistarpartý líka.. En allavega þá er ég farin í sokkabuxurnar og fer svo að halla mér niðrí MH...

W la musica... Eho, eho, eho...

2005-09-19T15:08:00.000Z

sumir dagar eru hræðilegir þegar maður fær þá marga í röð! :( ég er að upplifa svoleiðis tvær vikur í röð! Það er brjálaðslega mikið að gera hjá mér í skólanum og ég hef engan tíma tils að stunda það sem mér finnst verulega gaman!! Ég meina, mig langar mikið meira á kóræfingu heldur en að skrifa lýsingu á Staðarsókn árið sautjánhundruðogsúrkál! Mig langar mikið meira að æfa mig fyrir sönginn en að greina ljóð!! Svo vinnur maður eins og brjálaðingur og fær svo ekkert gott upp úr því!! Ég fékk eitt verkefni í dag sem fékk miklu minni einkunn hjá "sumum" en það átti skilið!! Það er alveg ótrúlegt hvað einkunnir geta haft mikil áhrif á mann!! Mér var skapi næst að segja mig úr helvítis áfanganum...
Porca troia!! Una testa di merda!!! Alltaf gaman að blóta á ítölsku!

Já.. fullkomnunaristar eiga erfitt líf.. Núna ætla ég samt að láta reiði mína bitna á ljóðagreiningunni og fá svo útrás á leiklistaræfingu á eftir!!!

skólablogg

2005-09-13T10:14:00.000Z

já... talvan mín heima er í einhverjum mómælaaðgerðum um það að leyfa mér ekki að pósta þar!! Hún gerir mér heldur ekki kleift að senda e-mail með póstinum sem ég ætlaði að birta um minn brjálaða mánudag fyrir meira en viku!!

En það er bara allt fínt/slæmt að frétta! Sé fram á brjálaða önn!! Ég er í verkefnaskilum og prófum upp á hvern einasta dag! Ég hef svona 3 - 4 tíma heima á dag tils að sinna lærdómi, tónlistarnámi, skiptinema og þörfum mínum!! Og mér til mikillar (ó)ánæju ákvað söngkennarinn að hún ætlar að strita mér út núna til þess að búa til hinn fullkomna tón og sérhljóðaframburð! 8-/ Þannig að ég sé fram á brjálaða tíma með MIKLU stressi!! Svo verður tekin (afslöppunar) ferð til Parísar í lok október og svo mun ég líklega taka flugið suður í lok febrúar til hinns heimalands míns!!
Núna ætla ég að fara að læra fyrir prófið sem ég er að fara í núna á eftir... :) Bless í bili!!!!!!!!!!!!!!

Afmæli!!

2005-09-02T15:21:00.000Z

Frænka mín á stór afmæli í dag!! Það er hún Íris! Til hamingju með það Íris! :)

Shuichi, besti vinur minn frá Ítalíu á afmæli í dag líka!! Hann á líka stór afmæli, þ.e.a.s. 18 ára!! ;P Ég sem sagt tók upp á því að hringja bara sísvona til Japans í morgun klukkan átta um morguninn (mætti 10 í skólann) og þá var klukkan um 5 hjá honum! Ég sagði honum nú að ég ætti enn eftir að fara í skólann og þannig og hann sagði mér svo þær stór fréttir að fjölskyldan hans sé að spá í að koma til Íslands núna næsta ár!! Vááá... ég nátla bauð þeim gistingu hérna í Brekkutúninu!!

Shu sagði mér svo að hann saknaði allra knúsana og kossana sem við vorum svo iðin við að gefa hvort öðru og fólkinu í kringum okkur. Í japan má varla kyssast á almannafæri og hvað þá að faðma vini þína.. Að hugsa sér! Við töluðum svoum heima og geyma á milli þess aðtjá hvort öðru hve mikið við söknuðum hvers annars...

Ég hef svo ekkert meira að segja ykkur merkilegt nema það að ég hringdi til Japans!!

En núna er ég að spá í reyna að fá bílinn og skella mér í Kringluna eða Smáralindina tils að kaupa afmælisgjöf, en samt ekki handa Írisi eða Shuichi, heldur þriðja afmælisbarninu sem átti afmæli í júlí reyndar...

Ætliði að koma á busaball í MH??? ;)

Bloggíblogg

2005-08-30T20:09:00.000Z

Já.. mér var bent á að ég bloggaði ekki nóg svo hér er eitt stykki bloggfærsla!

Í dag skráði ég mig í leikfélag MH!! haha.. veit ekki hve lengi ég á eftir að endast í því, fæ samt eina einingu ef ég næ 80% mætingu... við Dísa og Joke munum brillera í þessu örugglega! ;)

Annars hef ég ekkert merkilegt að segja meira, bara að ef þið vitið eitthvað um kaffihúsamenningu í París og um annan skóla þar sem þessi svo kallaða borðamenning MH ríkir líka hafið endilega samband við mig, ég verð einhverstaðar á milli þess að æfa ítalskar aríur og að gera upp við mig í hvaða kór ég ætla eða að fela mig á bak við einhverja skólabókina!

myndin er frá því þegar ég fór og náði í Joke þegar hún kom til Íslands! fyrir þá sem vita ekki hver Joke er þá er húnbelgískur skiptinemi sem mun búa heima hjá mér þetta skólaár! :)

2005-08-14T19:03:00.000Z

djöfullinn!! Var búin að skrifa LANGAN póst sem hvarf svo!!!

2005-08-06T14:07:00.000Z

já.. ég ákvað að koma mér upp bloggsíðu þar sem mér þykir ótrúlega gaman að kvarta yfir hlutum og blogg síður eru tilvaldnar til þess slags skrifta! Ég ætla líka að reyna að koma betur á framfæri þeirri persónu sem hefur verið að taka mynd og mótast síðasta árið inni mér, sem er ekki alveg farin að stökkva mikið út á yfirborðið en fer að ná yfirhöndinni...

Ég ætla að taka það fram að ég geri mér fulla grein fyrir því að ég tala bjagaða íslensku og að það munu vera málfræði og og stafsetningarvillur í pistlunum, en það gætu líka verið innsláttar og flýtivillur. En þetta getur orsakast af þvi að ég er ekki búin að tala íslensku í asskoti langan tíma og bara búin að vera í mánaðar upprifjun og svo hjálpar það mér kannski ekki mjög að vera að lesa illa þýddar Harry Potter bækur á milli þess sem ég er ekki að vinna, skemmta mér og undirbúa komu hennar Joke!!

Vona að lesendur muni verða margir og ánægðir með innlegg mín...